由今朝開始就已經背..背..背…
morning reading堂又背, lunch time又背, MATHs堂又背,
到臨演講個陣都仲背緊!!!
背咩??咪英文個篇「死人」SBA囉!!!
頂~
唔單止浪費咗我做MATHs會考題嘅時間…
仲浪費埋我溫地理嘅時間…聽日有個Pre-mock Test嘛~
但係,結果出到去都係…冇乜野講~
@#&%$!!!
我都唔知自己做乜…
以前,出去英詩朗誦都未驚過,仲好流利咁背哂成篇野出黎,
又記得哂啲動作…
都唔知對住班同學仔有乜好驚,都對咗2年啦….
點解我今日會咁失敗架???
枉我英文Oral仲拎全級第一架!!!
跟住,出到學校門口打俾張可茜…點知佢冇帶電話,
係學校又搵唔到佢….
唉~又要自己走!!!
點知,離遠就見到有架243M….見到有好多人上車,
我諗張可茜已經上咗個架車走咗lu~
係個一剎那,我就諗起文諺…(唔知佢會唔會未走呢?)
不過我諗佢或者都已經上咗架巴士走咗lu!!
最後,咪要自己一個走囉….
有點兒想哭了…….!!
|
|
◎日記情人節(Diary Day)：1月14日 ◎白色情人節(White Day)：3月14日 西方並沒有所謂「白色情人節」的傳統，在東方，2月14日女孩送男孩禮物表達情意之後，如果對方也有同樣的好感或情意，就會在3月14日回送女孩一份情人禮物，表示彼此心心相印；如果男孩對女孩沒感覺，只要刻意忽略這個日子，便算是委婉的拒絕。 ◎黑色情人節(Black Day)：4月14日 ◎黃色與玫瑰情人節(Yellow and Rose Day)：5月14日 ◎親吻情人節(Kiss Day)：6月14日 ◎銀色情人節(Silver Day)：7月14日 ◎綠色情人節(Green Day)：8月14日 ◎音樂情人節與相片情人節(Music Day & Photo Day)：9月14日 ◎葡萄酒情人節(Wine Day)：10月14日 ◎橙色情人節與電影情人節(Orange Day Movie day)：11月14日 ◎擁抱情人節(Hug Day)：12月14日 |
哇~成半個月冇打日記啦….
忙緊準備會考嘛!!
今日係家長日呀….本來我都要陪我呀媽去嘅~
不過,無啦啦被抽中要去「中文大學—東華三院社區書院」喎…
咁就局去啦…去吓都好嘅,起碼知道係咩黎,到時會多條出路嘛~
去到…間野有好多層…要搭lift…都幾靚…有啲地方仲裝修緊~
不過每一層就好細~如果我真係要係呢度讀書,
都唔知要記幾耐先記得每一層有啲乜…
其實呢間野咪好似IVE、大學個啲咁嘅上堂模式….
不過,我就覺得呢間野可以選修嘅科目比較多囉!!
最今我想讀個科咪<酒店及飲食業管理>&<旅遊管理>呢兩個課程囉!?
不過,呢兩個課程係要「副學士學位(AD)」先讀得~
係讀呢個學位之前,就一定要完成「副學士先修學位(Pre-AD)」,
但係,如果我讀Pre-AD嘅成績唔得,就一定上唔到AD,
咁個陣就真係”玩完”啦!!!
而Pre-AD嘅課程又係十分之悶、要死讀書嘅課程,
但係就只係需要辛苦一年囉!?
其實,我真係有諗過無論我升唔升到,都入去呢度讀…
(因為,我真係覺得AD啲課程我好有興趣….)
橫掂,讀2年AD,畢業後都可以上”大學2年級”,
(但係,如果我衰咗係Pre-AD….咁點算???)
**********************************
12點半返到黎….上咗4樓搵Miss Kwok,
問吓佢…我呀媽睇到我張成績表有冇好嬲??
(有嘅話….都可以有個心理準備嘛!?)
佢話佢唔係好滿意…但係又唔係話好嬲囉~
唔知今晚佢返到黎會點??會唔會又六國大封相??
(不過,同佢係電話傾過兩句,都幾平靜…是但啦!?)
同Miss傾完之後,就去咗搵返肥軒個啲…一齊食lunch~
(三個男仔,得我一個女仔…但係我覺得好開心,
佢哋講啲「白癡」野,笑死我….)
同佢哋一齊,真係開心過同啲女仔一齊….
食完野…我哋就落”金星”打機…搭43B,
點知我哋唔記得落車…去到總站,又要行返轉頭…勁白癡!!
落到機舖…撞到周啟文喎…嚇死我…
我仲要同肥軒係到拉扯,唔知佢點諗…
唉~唔理啦…由佢啦!!
跟住,我玩到3點半就返咗屋企lu~
返到去…溫咗陣書…溫溫吓…訓著咗~失敗!!!
今晚,又要自己食自己lu!!!
好多n世冇打過日記啦~
而家咪開始打返囉!!
今朝6點半就起咗身啦…係熱醒架!
跟住就出廳睇電視…有百變小櫻睇呀!!
跟住,趁賣廣告嘅時間就去刷牙、洗面….
出黎就整返熱啲湯黎飲…
7點lu…就去沖涼…換衫返學!!
係巴士站撞到小雨…同佢一齊塔42M返學,
點知係車上發生咗啲小爭執…
係長發轉車嘅時候,大家都冇彩大家lu!!
返到學校,冇咩特別…頭兩堂Geog,好眼訓…
之後到小息,就去6A班搵今屆社長…其實佢係邊個我都唔知!!
(話說:佢尋晚漏夜打黎,叫我幫佢係陸運會時帶啦啦隊,
但係我冇聽佢電話<因為唔識就唔聽>,之後佢留言俾我,
我成11點半先覆佢電話…唉~唔好意思!!)
但係,我諗咗成晚…我都F.5啦,功課開始忙,要準備會考~
又因為我係F.5,學校係唔俾我哋掂…如果我去帶啦啦隊嘅話,
又會惹黎好多人嘅閒言閒語…又話係我去搵社長黎做呢個職位…好煩!!
另外,而家距離陸運會都只係淨返個幾禮拜時間到,
根本就趕唔切同班啦啦隊練習,仲話要計分…
我又驚如果計分嘅話,其他社又會出去買衫,
如果我唔買,唔俾其他人笑,都俾班啦啦隊詐形啦~
如果我去買,又驚好似上年咁,啲衫舖冇咁多件存貨,又做唔切….
又要買啲好樣7嘅衫、裙咁….
唉~仲以為今年唔會再有我份…仲知,就麻煩啦!!!
放學,我冇留係學校操MATHs pass paper呀…
同班啦啦隊講咗聽日lunch要練習啲野之後,
就同社長傾埋啲野….
跟住,就返屋企lu~
今朝成7點8先起身…用極迅速嘅方法落到樓下~
點知一條人龍係的士站前….
咁我就打電話call的士啦!?點知排我前面個個女仔聽到我去青衣,問我順唔順路到齊去喎~佢讀燕京嘅!!
咁我望吓隻錶,都7點10喇…再兜埋佢,我實遲到…
跟住我咪俾咗個call車電話佢,叫佢自己call車囉!?
點知一俾完佢,就有的士黎喇…
最搞笑佢問我:咁點呀?有的士啦喎!!
跟住我就答:咁你咪上車囉!!
(睇佢個樣、談討舉止都唔似係一個中一嘅學生,都唔知點解佢會問埋一條我諗係小一學生都唔會問嘅問題…奇怪!?)
佢架車一走,我就有車喇….
不過,去到長發回旋柱個陣,個司機唔知有咩問題,轉小左一個路口,轉咗去葵芳個邊…不過好彩我都趕得切~仲收便宜咗我添!?
今日P.E.上跳舞呀~好好玩呀!!
尤其係跳聖誕舞個陣,成班人圍成一個大圈….我企奶媽隔離,佢帶住我衝入圓心,一入圓心就伸腳踢對面個個~
我都淨D俾吳影彤踢到….好彩閃得快!!
我上咁多堂跳舞…最開心係今堂呀!!!
放學有讀唱決賽…不過,我冇去睇呀!!
冇計啦…我冇返兩日,有D功課要趕起聽日交,聽日仲有History小測添!!
到5點9,我約咗Jshing係綠楊等…我哋一齊去補英文~
我好聰明地,揀啱12月第一堂去試補英文~咁我同Jshing就順利成章可以免費補一個月…唔似kaman咁蠢,揀正11月最尾個堂….哈哈!!
補完習,我同Jshing去咗書局….
因為聽日有History小測嘛~咁佢知miss係邊本練習出題,我哋就去睇答案喇!!
哇~不過本練習入面有好多題呀…我哋求奇tip咗幾題黎睇就走啦!?
返到屋企…8點lu~
返入房做咗一陣功課,就食飯啦!?
跟住,洗埋D碗…睇完電視,就訓覺lu!!!
今日我都冇返學呀…唔知聽日D同學仔會唔會問我點解兩日唔返呢?
7點半,老豆起身返工…佢今日飛日本呀~
令到呀媽都起埋身,跟住問我返唔返?
我就想休息多日…咪唔返囉!!
之後就訓到1點先起身….
呀媽今日都冇返工呀~佢話留係屋企照顧我喎!
同樣地,今日又係食粥~好討厭呀!?
食完野,就入電腦房玩電腦啦….點知又打輸咗!!!
玩到攰…就出廳睇電視~
到8點幾,呀媽叫我落街買D包for聽日lunch,
因為要介口,所以唔可以買肥脷嘅野食~
睇埋《賭場風雲》,就沖涼訓覺lu….
聽日準時起身返學!!!
今朝凌晨4點幾,胃痛…痛醒咗~有D想嘔!?
之後我拎埋張被,訓係sofa…方便衝入厠所嘔…
點知到5點,真係嘔!?仲嘔到喉嚨損埋~
但係我個陣好眼訓,唔理咁多…訓醒先算!!!
但係我訓吓又醒吓,個胃痛吓又唔痛吓咁…好辛苦!?
一覺訓到7點半…起唔到身,返唔到學!!
過咗一陣,我老豆起身返工…發現我係sofa到訓,就話俾呀媽知….媽咪幫我打電話返學校請假~
我再訓….訓到1點醒咗~再冇胃痛啦!!
呀媽臨返工前煲咗D粥俾我食,咁我就刷牙洗面…起身喇~
不過今日胃口唔多好,食咗1碗詐!?
一路食一路睇電視….《夕陽天使》好好睇呀!?
睇完就沖涼…諗住打去診所掛號,點知發現要4點半先有醫生睇…激死!?
咁唯有開電腦,打陣機…聽陣音樂先啦!!
到4點9,張可茜打黎….約好係佢屋企留下等,陪我去睇醫生~
我哋就慢慢行上去荃灣中心,都5點啦…個醫生都未返~
睇完醫生,拎定埋張醫生紙….如果聽日有需要,可以唔返呀嘛!?
張可茜送到我返屋企先走….
<<<多謝你陪咗我幾個鐘啊!!!>>>
(2)